-إلى روح الشهيد جمال بن اسماعيل-

ٱلْخَيْرْ مَنّْهُمْ راهْ مَقْطُوعْ

هُوما كَرْشْ بْلا ضْلُوعْ

مادا سَرْطَتْ و شْحالْ

ٱلْحارْقِينْ كُلّْ زْرَعْ

قْبَلْ ٱلْحَرْثْ قْبَلْ ٱلطّْلُوعْ

وْ قْبَلْ داكْ لَحْصادْ

وْ قْبَلْ  داكْٱلطّْحِينْ

وْ قْبَلْ يْصِيرْ ٱلطّْحِينْ عْجِينْ

وْ قْبَلْ ما يْصِيرْ لَعْجِينْ مَطْلُوعْ

وْ يَتْكالْ بْ زْوِيتَه خُبْزْ حْلالْ

دُوكْ الِّلي شَعْلُوٱلْعَافْيَه فْ ٱلْما

وْ شَعْلُوها فْ لَهْوا

وْ شَعْلُوها فْ ٱلشّْجَرْ

وْ شَعْلُوها فْ ٱلجّْبالْ

دوكْ ٱلِّلي هُوما ٱسْبابْٱلْغُمَّه

وْ مْخَلِّينْٱلصَّفّْ عْلَى خُبْزَه يَطْوالْ

دُوكْ ٱلِّلي  بْغاوْ لَجْراحْ تْزِيدْ تَنْزَفْ

دُوكْ ٱلِّلي ما مُرادْهُمْ ٱلنّارّ تَوْقَفْ

هادُوك هادُوكْ

هُوما ٱلِّلي قَتْلُوكْ

سَفْكُو دَمَّكْ بْلا شْرَعْ

وْ حَرْقُوٱلْكَسْدَه يا جَمالْ ..

محمد موتنا السباعي