كلنا عايشين من خيرها
كلنا ماشيين فيها
خيرها كبير باين علينا ويبان ديما على ولادنا
تجول وتسافر فيها
عمرك ماتشبع منها
أرضنا كتسمع لينا
أرضنا كتحس بينا
تسقينا من ماها العشطان
وتمرها خير على الإنسان
وخيرها على العباد يبان..
وتدور الأرض تدور ديما في الوقت
تدور حتى يطلع النور
ويدفي سكانها
وتشوف في سماها طيور
تخليك ديما مبشور بألوان زاهية سبحان لي خلقها
هادي أرضنا.. أرضنا تعطينا
 تحس بينا
 تكسينا
 تداوينا
 تحمينا
واليوم تبكي الأرض من سقمها
تشكي وتقول
واش ولادي هجروني نساوني
 واش ماحاسين بسقامي
ولا ماهمهم حالي
وبحورها هايجة
ولات غضبانة وديما غايرة
والأرض تقول عطشانة
والمرض ساكن في عروقها
واش أنا مالي قيمة
في عيونهم مالي قيمة
واليوم اليوم اليوم
صغار وكبار اليوم
اليوم فرصة
مازال اليوم مازال بيدينا
باش خيرها علينا يدوم
الحل راه واضح وملزوم
 أرضنا نخدموها بالنية
هادي أرضنا..
تعطينا تسقينا داوينا…
تحس بينا
تكسينا
تداوينا
تأوينا